Policia e Rajonit të Prishtinës ka zhvilluar një aksion në Drenas, ku ka arrestuar një person të kërkuar me urdhër-arrest për vepër penale.

Operacioni, i ndërmarrë nga stacioni policor në Drenas me përkrahje nga Njësia e Reagimit të Shpejtë, ka rezultuar me arrestimin e të dyshuarit M. M., 38-vjeçar, shtetas i Republikës së Kosovës.

I arrestuari ishte i dënuar me tri vite burgim për veprën penale “Dhënia e ndihmës në kryerjen e veprës penale të grabitjes”.

“Në kontekstin e kësaj, pas ndërmarrjes së në një operacioni të befasishëm, policia e stacionit policor në Drenas e përkrahur edhe nga Njësia e Reagimit të Shpejtë, arriti të arrestoj personin e kërkuar; M. M, mashkull, 38 vjeç, shtetas i Republikës së Kosovës, i dënuar me tri vite burgim për veprën penale “Dhënia e ndihmës në kryerjen e veprës penale të Grabitjes”. I njëjti pas arrestimit nga ana e policisë është dërguar në vuajtje të dënimit”, thuhet në njoftim./Arbresh.info